SANS A PAWOL ADAN MIZIK NOU ENME (LYRICS MEANING)

KAN SIRENN-LA SONNÉ

(Robert Loyson)
  

Kan sirenn-la sonné, an ka mandé « ka ki pasé ? »

KAN SIRENN-LA SONNÉ, AN KA MANDÉ « KA KI PASÉ ? »

Onsél plèw a Mòwnalo, sé Mè Koko ki désédé.

KAN SIRENN-LA SONNÉ, AN KA MANDÉ « KA KI PASÉ ? »

Létanbouyé tonbé si ka-la, sé pou mwen di-zòt ka ki pasé, manman.

KAN SIRENN-LA SONNÉ, AN KA MANDÉ « KA KI PASÉ ? »

Tanbouyé tonbé si ka-la, sé pou mwen di-zòt ka ki pasé, manman.

KAN SIRENN-LA SONNÉ, AN KA MANDÉ « KA KI PASÉ ? »

Wooo'…y!

An vin a Mòwnalo,

An té ka pasé,

Lè sirenn-la soné,

An vwè labé,

Sòti an légliz,

Labé-la ka kouri,

I lévé wòb a-y,

Wòb a-labé anlè,

I ka kouri an lari,

An vwè jandam,

Sòti lajandabri,

Yotout ka kouri,

Labé pèd liv, obiyé képi a-yo,

Ka kouri Mòwnalo,

An vwè lapolis, ograngalo,

An vwè ponpyé,

Yotout ogalo,

Ka kouri a Mòwnalo

Mwenmenm, an Mòwnalo, an mèt-mwen ka kouri,

An vwè Krédi Agrikòl,

Toumoun pwan galo.

An vwè dirèktè,

Sòti a Krédi Agrikol,

I mété'y ka kouri, an lari.

Sékirité, tout anpwayé, yo pwan déwò,

Yo mèt-yo ka kouri, mwenmenm ka kouri osi.

Mwen té a Mòwnalo,

An kouri koté a JanPòl.

Lè an rivé koté JanPòl,

An vwè toutmoun, té ka manjé,

Yo lésé manjé a-yo,

Fouchèt a-yo an men a-yo

Yo pé pa valé.

An vwè on pati, ka jouwé domino.

Yonn pozé doubsis,

Toutmoun hélé « boudé ! »,

Mwenmenm hélé « boudé ! »,

An kouri a Kokoyé,

Lé an rivé a Kokoyé,

On nonm si on pyé-koko,

Té ka kyouyi koko,

I lagé kò a'y a tè,

Lè i tonbé asi plato-la,

An kouri koté'y,

An ka mandé'y ka ki pasé?

I mandé-mwen "Ka ki pasé?", "Sé mè koko ki désédé, Bondyé".

KAN SIRENN-LA SONNÉ, AN KA MANDÉ « KA KI PASÉ ? »

Wohoo… Vélo!

Sé mè Koko ki désédé, Vélo.

KAN SIRENN-LA SONNÉ, AN KA MANDÉ « KA KI PASÉ ? »

(SOLO TANBOU)

Ayayay-yaya-yayay,

Haaa! Hou-ha, hou-ha!

Bougalou-bougalou!

Byen boula, byen boula!

Wohoy, Kominis, Sosyalis, toutmoun-Mòwnalo,

Toutmoun-la ka pléré, sé mè Koko ki désédé mwen di'w.

KAN SIRENN-LA SONNÉ, AN KA MANDÉ « KA KI PASÉ ? »

Onsèl plèw a Mòwnalo, sé mè Koko ki désédé, Mondyé!

KAN SIRENN-LA SONNÉ, AN KA MANDÉ « KA KI PASÉ ? »

Pati pou, pawti kont, Kominis, Sosyalis,

toutmoun-la ka pléré sé mè Koko ki désédé, Mondyé!

KAN SIRENN-LA SONNÉ, AN KA MANDÉ « KA KI PASÉ ? »

Woooy!

Mé-Gwadloup, kouté.......

Tout mè-Gwadloup kouté,

Mè Koko, sété on bon mè,

Lé i kyouyé on bèf,

I ka séparé-y pou tout pèp a-li

Vyann san zo, vyann a zo.

Ou tin vyann a zo,

Ou tin vyann san zo.

Ou tini on pati mè, ka kyouyé on bèf,

Yo ka séparé-y,

On pati ka tini yenki vyann san zo,

Lòt pati pa tini ayen,

Pa menm zo a machwa-la, maléré pa ka trapé, Mondyé.

KAN SIRENN-LA SONNÉ, AN KA MANDÉ « KA KI PASÉ ? »

Sé mè Koko ki désédé, sété on bon mè a LaGwadloup, manman.