SANS A PAWOL ADAN MIZIK NOU ENME (LYRICS MEANING)

Lionel Richie fèt an 1949, an Amérik (Étazini), adan on léta, yo ka kriyé'w Alabama. Sé on gran chantè nèg, toutmoun ka rèspèkté, an péyi a'y. Sété on zanmi pré, a Michael Jackson. Dayèpouyonn, i té prézan, alantou a fanmi a Michael Jackson, lè M. Jackson vin désédé, an fen a lanné 2009. Chanson-la, nou kay travay asi'y-la, sé yonn adan sa, ki chalviré kè, a plis moun la. Nou kay rantré, an zantray a tichanté-la, onfwamenmla, tousuitman, alè-alè. Sé on balad-lanmou, on nonm, ka chanté, ba on madanm. I ka kriyé madanm-lasa, "lady" – léydi - si nou vlé maké'y, an bonmaké an-nou. Sé on non a rèspé. On non kennpalans. On mo konsidérasyon, pou madanm-la.

Adan kadans 1, mi sa i ka di "Lady"-la. I ka di'y konsa, li misyé-la, sé on chouvalyé abiyé adan on lenjakonba klérant, èvè, i anmé'y. I ka di'y konsa sé, li madanm-la, ki fè'y vin, sa i yé, é i sé ta'y. I ka kriyé'y, chéri-doudou-kòkòt, tichat, é tini, onpakèt jan ka ègzisté, pou pé sa di'y: "an enmé'w". I ka mandé'y dwa, kenbé'y an bwa a'y, pou tansanbout.

1-      Lady, I'm your knight in shining armor and I love you
You have made me what I am and I am yours
My love, there's so many ways I want to say I love you
Let me hold you in my arms forever more

Adan kadans 2, I ka di'y konsa, li madanm-la, i alé, i pati é lésé'y la, kon tèbè é, mi aprézan, i ka pèd lakat, adan lanmou i ka santi, pou madanm-la. Aprésa, aprézan, i ka di'y, konsa yo fèt yonn pou lòt. I ka mandé'y, siwvwè i pa ka kwè, sawvwè i ka di, adan chanté a'y.

2-      You have gone and made me such a fool
I'm so lost in your love
And oh, we belong together
Won't you believe in my song?

Adan kadans 3, I ka di'y konsa, li madanm-la, pannan tan é tann lanné, i pa té jen kwè, i té ké kontré'y menm, an vi a'y. I ka di'y, i anni rantré an vi a'y, é sa enni, plen lègzistans a'y. I ka mandé'y, pou ba'y chans, pou i pé sa pé, wouvè zyé a'y lématen, touléjou owa a'y, é pou doudou-lanmou-la, pé sa palé chuichui, adan zòrèy a'y.

3-      Lady, for so many years I thought I'd never find you
You have come into my life and made me whole
Forever let me wake to see you each and every morning
Let me hear you whisper softly in my ear

Adan kadans 4, I ka di'y konsa, li misyé-la, pa ka vwè pondòt moun an zyé a'y. I ka di'y konsa, pa ni pondòt lanmou siwo-batri, kaféfò, kon ta-yo-dé. Èvè, siwvwè, tin on biten i senten, sé davwa ,sé ké li, i ké toujou vlé akoté'y, davwa, lontan menm, i té ka atann jwenn-li.

4-      In my eyes I see no one else but you
There's no other love like our love
And yes, oh yes, I'll always want you near me
I've waited for you for so long

Adan kadans 5,  ki sé dènyé kadans-la, i ka di'y konsa, lanmou a'y, sé sèl lanmou i bouzen, èvè, sé owa'y, li misyé-la, i vlé i rété, padavwa, tin on tibiten, i vlé madanm-la savé : i sé lanmou a vi a'y, i sé madanm a'y menm. Osèryé.

5- Lady, your love's the only love I need
And beside me is where I want you to be
'Cause, my love, there's somethin' I want you to know
You're the love of my life, you're my lady!

Son'on sèl kèsyon a… "Koko, mi graj a'w!"
Kenny rogers & lionel richie lady
envoyé par rawestern. - Regardez d'autres vidéos de musique.