LÉLI OU PATI (ON MONTANGN-DOULÈ) (Jomimi) Bonmaké Gwadloupéyen : Titay Rézé
ON MONTANGN-DOULÈ
(Jòj RUGARD : Jomimi)
On montangn-doulè tonbé si kyè an-nou
On rivyè-doulè koulé an kò an-nou, sé vré
On montangn-doulè tonbé si kyè an-nou
On rivyè-doulè koulé an kò an-nou
Montangn-doulè tonbé si kyè an-nou
Rivyè-doulè koulé an kò an-nou
I koulé
Manman, i koulé si nou
Lavalanch-tristès chayé fanmi an-mwen
On montangn-doulè tonbé si kyè an-nou
On rivyè-doulè koulé an kò an-nou
Ventnèf Désanm Milnèfsan kwatwèvendis
Koté sétèdswa, on gran malè
Souflé si nou
Mové nouvèl
Ti fwè an-mwen aksidanté
Men, malè pou li
I pa siwvéki dè blésiw a-y
On montangn-doulè tonbé si kyè an-nou, tonbé Ooo…
On rivyè-doulè koulé an kò an-nou
Léli, ou pati
Ou pati, ou té ka maché
Ou ka woutouné kouché adan on sèkèy
Ou vwayajé
Ou alé vèw Lodèla
Ou lésé manman
Adan lapenn é latristès
On montangn-doulè tonbé si kyè an-nou,
On rivyè-doulè koulé an kò an-nou
Manman pléré
Vidé dlo kon chit-Dolé
Sésé pléré
Vidé dlo kon chit-Kawbé
Kyè a-yo gwo
Osi gwo ki lalin plenn
Penn a-yo gran
Pli gran ki linivè
Sé vré
On montangn-doulè tonbé si kyè an-nou, o Léli
On rivyè-doulè koulé an kò an-nou
Tonton, tantant
Kouzen épi kouzin
Toutlafanmi
Ka sonbré dan latristès
Fwè é sésé
Pa ni mwayen pou konsolé-yo
Loséyan-tristès
Ja néyé kyè a-yo
On montangn-doulè tonbé si kyè an-nou, Tonbé o, wayayay
On rivyè-doulè koulé an kò an-nou
Kanmarad a-w
Ka di yo pèd on zanmi
Vwazen, vwazin
Ka di yo pèd on vwazen
Toutlafanmi
Yo ka di
Yo pèd on fanmi
Mè mwen pa kapab
Défini, men, ka mwen pèd
On montangn-doulè tonbé si kyè an-nou, O Léli
On rivyè-doulè koulé an kò an-nou
Élas Bondyé
Mwen pa tini pouvwa
Si mwen té ni
Pouvwa a JéziKri
Mwen té ké alé
Andidan simityè
Mwen té rann-mwen
Si tonm a tifwè an-mwen
Pou mwen té di-y
Sa Jézi té di Lazaw
Sé pou i té lévé
Pou i té rètouné
Pawmi nou
On montangn-doulè tonbé si kyè an-nou, Léli Ooo…
On rivyè-doulè koulé an kò an-nou, i koulé kon dlo
On montangn-doulè tonbé si kyè an-nou, O Léli
On rivyè-doulè koulé an kò an-nou, O Léliii…
On montangn-doulè tonbé si kyè an-nou, Léli Ooo…
On rivyè-doulè koulé an kò an-nou, Léli O, wayayay
On montangn-doulè tonbé si kyè an-nou, i koulé kon dlo
On rivyè-doulè koulé an kò an-nou, i koulé kon dlo
Ounm-ounm-ounm-ounm…
Inscrivez-vous au blog
Soyez prévenu par email des prochaines mises à jour
Rejoignez les 31 autres membres