SANS A PAWOL ADAN MIZIK NOU ENME (LYRICS MEANING)

TOUPUISAN

(Gwoka)

Pascal JARVIS

Bonmaké Gwadloupéyen : Titay Rézé

Lè an viré adan kaz-la

An touvé son'on trafalga

'pa té ti trafalga

'té biten koltaré-la

An trapé on bon koul boutou

Mi on bari-boutèy-krazé

Men, ki sòlbòkò ésa ?

O ou vwè léloum konsa ?

Sé zékal payé anpach

Tandézon a-w ka fè pach

I fè pach é zékobèl

I fè pach é zékobèl

Men ou savé ou pa pon lach

Lèwgadé, an di konsa

Fò an té tini sanfwa

An ka sanblé sanfwa

An ka gonflé sanfwa

Pa sanfui, tini sanfwa

Toupuisan, éwa

Toupuisan, an ka kriyé-W

Toupuisan, éwa

Toupuisan, an ka hélé-W

Men, ka sa yé sanfwa

Sanfwa an biten mélé

Lèwvwè ou ja byen mélé

Ka i farin, men, ka i sann

Ou bwouzen démélé-w

Pou ou gyòk adan kòlta

An santi an ja ka fébli

An ka vwè an pa'a kenbé

Tout jan an vlé kenbé

Tout andidan'an ka hélé

Sé onsèl plèw, on wélélé

Mi kyè an'an ka batbè

Pa'a touvé ka pou mwen fè

Anmwééé, an ka soufè

Toupuisan, éwa

Toupuisan, an ka kriyé-W

Toupuisan, éwa

Toupuisan, an ka hélé-W

Èché kriyé zanmi

Zanmi ja anchimen

Magré yo anchimen

Pò'ò konpwann sa i rivé-mwen

An ka graté tèt an-mwen

Fè ansòt pou maré ren

Anmwé,  anmwé soukou

Anmwé soukou Bondyé

Anmwé, men an sav Ou la

Sé Vou ka kenbé-mwen

Toupuisan, éwa

Toupuisan, an ka kriyé-W

Toupuisan, éwa

Toupuisan, an ka hélé-W

Adan biten konsa

Apré biten konsa

Lè ou vwè biten konsa

Lèwvwè ou pasé pa la

Ou savé ou ké pé woupwan

Ou ké woupwan balan

Fò vou woupwan balan

Balan é bon balansman

Toupuisan, éwa

Toupuisan, an ka di-W mèsi

Toupuisan, éwa

Bondyé-Papa, an ka onowé-W

Toupuisan, éwa

Toupuisan, pon mo pa alawotè

Toupuisan, éwa

Papa, ba kè an'an boula ba-W

Toupuisan, éwa

Bondyé, ba kè an'an boula ba-W

Toupuisan, éwa

Kité-y maké, kité'y boula

Toupuisan, éwa

Kité-y maké, kité-y boula

Toupuisan, éwa

Kité-y maké, kité-y boula

Mèsi Bondyé

Kité-y maké, kité-y boula

Mèsi Bondyé

Kité-y maké, kité-y boula

Ba-y maké, wi ba-y boula (ad libitum)